Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- dum rudis ex utero cordis per pectora capta
- reptat adhuc teneris uitiorum infantia membris.
- quae nisi praecaueas, aucta uirtute necabit
- concordem uitiis animam terrena propago.
- ne parcas igitur talem mactare cateruam.
- non tibi crimen erit nocituram perdere gentem
- ultricemque malo perfundere sanguine petram;
- gaudet enim iustus, si concidat inpia proles;
- nam magis atque magis pius ista caede piatur,
- si perimat peccata suis dominantia membris
- et fracta in Christo uitiorum plebe triumphet. [*](a 43 insam n 46 misere babilonis n folix in ras. n 47 rependit n 49 allidet Schot. in mg. solida etua n patrae n 50 extinctae 0 51 primi gliscencia n grimina n1 52 iam v, om. On 53 subolem n 54 nan babilon n 55 materque 0 56 febri n 58 tuis tale nv, uitales 0 60 praeripe Lebrun 61 rudis v, rudes On exutere n 62 repta n infanoia menbris n 63 acta n 64 uiciis anima terrenam n 66 non in nan corr. m. rec. n crimenen nent nocitura perdae regentem n 67 pfundere n; 68 proles v, prolis On 70 menbris n )
24
- X. AVSONIO PAVLINVS.
- Quarta redit duris haec iam messoribus aestas
- et totiens cano bruma gelu riguit,
- ex quo nulla tuo mihi littera uenit ab ore,
- nulla tua uidi scripta notata manu,
- ante salutifero felix quam charta libello
- dona negata diu multiplicata daret.
- trina etenim uario florebat epistola textu,
- sed numerosa triplex pagina carmen erat.
- dulcia multimodis quaedam sub amara querellis