Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Omnipotens genitor rerum, cui summa potestas,
  2. exaudi si iusta precor: ne sit mihi tristis
  3. ulla dies, placidam nox rumpat nulla quietem.
  4. nec placeant aliena mihi, quin et mea prosint
  5. supplicibus nullusque habeat mihi uota nocendi
  6. aut habeat nocitura nihil. male uelle facultas
  7. nulla sit ac bene posse adsit tranquilla potestas.
  8. mens contenta suo nec turpi dedita lucro
  9. uincat corporeas casto bene conscia lecto
  10. inlecebras, turpesque iocos obscenaque dicta
  11. oderit illa nocens et multum grata malignis
  12. auribus effuso semper rea lingua ueneno.