Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. cum prima signum suscitandis mortuis
  2. caelo tuba intonauerit,
  3. hi nunc obesi spiritu superbiae
  4. et opibus inflati canis,
  5. humi manebunt conpediti nec suis
  6. sese explicabunt uinculis,
  7. quibus infideles nunc ligantur, ut uolunt,
  8. tunc adtinendi, ne uolent,
  9. quia sarcinatos et graues rebus suis
  10. mundi caduci diuites
  11. portare tenera non ualebunt nubila
    12. [*]( 885 diriuatus B 887 poni 0 888 flumen e Schot., flumine BO, fluminibus v 889 prolis B, prosilis 0, proles v sancte radix 0, radix sancta B, sancta radix v ut scripsi, et BOv boni B 891 dedistis v, deditis BO 893 uti scripsi, ut BOt), uos ut RoStO. canus Bx 894 senes Schot. 897 choors B 900 uos om. B 901 humo v, umo 0, summo B 904 tube B insonauerit B 905 hi v, hii BO obsessi B spiritibus B 908 uinculis Rosw., uiciis B, uitiis Ov, diuitiis coni. Sscch. 909 uolant B. )
    237
  12. ad regis occursum dei;
  13. sed haesitantes in luto faecis suae
  14. opumque pressos molibus
  15. meridiano incendio mundi repens
  16. ruina mortis opprimet.
  17. ne quaeso dominus talium uirgam deus
  18. admittat in sortem suam,
  19. neque nos in horum diuitum fructus sinat
  20. manus iniquas tendere.