Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Nouatianus ille, discissam fidem
  2. in corde portans naufrago,
  3. homo mortis (itaque) et apta morti cogitans,
  4. de more noluit suo,
  5. ut esset onerum portio. in nauem suam
  6. properat statim conscendere,
  7. et cum periclo stringeretur ultimo,
  8. molitus est expellere,
  9. ut fune rupto, quo cohaerebat rati,
  10. dimitteretur aequori.
  11. sed plurimorum uoce uictus obuia
  12. ab utroque mansit inritus,
  13. quia praeualebat omnium sententia
  14. auctore Christo fortior,
  15. ut mox: salubri barca perfugio foret
  16. puppi superstes obrutae.
  17. inusitata naufragi facies erat,
  18. mors nauitis pax aequoris.
  19. foris silebat in freto tranquillitas,
  20. in naue tempestas erat.