Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- sed ut receptos doceat exemplo suo
- mundi catenis exui.
- et facile propriis absolutus uinculis
- solui docebit crimine,
- bonusque mentis uir gubernator suae
- et eclesiae nauem reget.
- nam quomodo ille praesidebit proximis
- praeesse qui nescit sibi? [*]( 738 quia qua B 747 et scripsi, sed BOv 748 iusticia B, iustitiae Ov caepit 0 753 carceri v, carceris BO 757 suam R081c., sua BOv, sui fort. seruauerint B 760 seu] sed v liberos v, libero JBO 761 receptus B 763 uinculis om. 0 766 ecclesiae BOv )
- sed sermo lapsus decucurrit longius,
- reuertar ad Ioseph meum.
- castus beatae flore uernet gratiae
- ut paradisi lilium
- et corde puro caelitis prudentiae
- potum pudicus hauriat;
- responsa dubiis exerat mortalibus
- arcanus interpres dei
- et emicante gloria famae bonae
- notescat in regis domo,
- placitusque regi spiritu prudentiae,
- sumatur in regni ducem.
232