Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- et ut ille Samso ui capillorum potens,
- uirtute crinitus sacra,
- sternat leonem strangulatum fortibus
- orationum brachiis
- dulcemque fructum nobilis uictoriae
- decerpat ore mortui.
- sed ab hoc triumpho caueat exemplo sibi
- aliena adire foedera.
- allophyla mulier est mihi lex carnea
- blandis dolosa retibus.
- si lege mentis ista sit lex fortior,
- in iura peccati trahet;
- malesuada uerbis fraudis arte dulcibus
- animum uirilem effeminat;
- excaecat oculos mentis et radit caput,
- spolians et exarmans fidem.
- hac parte Samso nolo sit noster puer, [*]( 530 ephot v, efoth B, eufot 0 statuere B 531 quem Rosw., quam BOv uerbo dei B 535 nazaraeas Bv 536 passis v adornat B 537 pulcrum B capud B 541 samson B 542 sacra r, sacrae 0, diuine B 546 decerptat B 547 ab hoc triumpho caueat exemplo sibi Col. in mg., ab hoc exemplo triumpho caueat ui 0, ab hoc exemplo triumpho caueat exemplo ui B, hoc ab exemplo monitus caueat sibi v, ab hoc triumpho caueat exemplo illius coni. Zechmeislcr 548 adire V, dire BO 549 allophila B mihi allophyla mulier est Zechmeister 551 forcior lex B 554 uirilem v, uirile BO 556 spolians v, expolians BO 557 sampson 0 )
- ne misceatur copulae,
- quam consequatur protinus captiuitas
- infirmitas et caecitas,
225