Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- qua mortalis erat, lateat telluris operto,
- uiua tamen uegetante deo membrisque superstes
- gratia diuinum spirantia martyris ossa
- clarificat populis merito uiuente sepulti, [*](274 prensante E, pensante AD 275 pendente A 278 lascibosque D 279 hunc A sua E, suae AD 281 bacchi D, bachi A, bache E 283 poterat. E mortalibus Mw. et addidi, om. ADE mortalis unius etas E 286 presbiter D 298 aforet AD, abforet E 295 spiritu A 297 aegrotum D 298 afforet E 299 sine fine AD, sinper E sed per ita ras. 801 latuit d)
- et magni solium breue confessoris adorat
- iugiter e uariis conferta frequentia terris.
- sed deus ut cunctorum hominum sator, omnibus istam
- de sanctis indulsit opem procedere terris,
- ut iam de tumulis agerent pia dona beati
- martyres et uiuos possent curare sepulti.
- nec satis hoc donum domino fuit, ut sua tantum
- nomine siue opibus loca martyres inlustrarent;
- ex isdem tumulis etiam monumenta piorum
- multiplicans multis tribuit miserator eosdem
- gentibus. et referam uarias ab origine causas,
- ex quibus haec orta est uariis benedictio terris.
- nam quia non totum pariter diffusa per orbem
- prima fides ierat, multis regionibus orbis
- martyres afuerant, et ob hoc, puto, munere magno
- id placitum Christo nunc inspirante potentes,
129