Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. quo ruis P in quem tela moues? an credis in uno
  2. mortali constare deum et, si corpora soluas,
  3. uim simul et mentem diuinam posse aboleri?
  4. quae mundi per membra meat, qua nasceris ipse
  5. indignusque aleris, cuius de numine pendet
  6. uincere uel uinci, cuius uirtute uel unus
  7. fortior innumeris, pietate armatus inermi
  8. armatos ferro, sed inermes pectora Christo
  9. prosternit superante fide, quae conscia ueri
  10. caelestis uitam praesenti morte futuram
  11. conparat et uicto uictricem corpore mentem
    12. [*]( 129 tantum quia 17 180 tum T peciit B, petit GB cum sua t GB liquidus ADQ excidit am arma Q 131 qua B cadat R 132 antestite GB, antitite Q 133 uertix A QB 134 uincere] uiscera Q v. 135 quusi G ftaelsa Q in om. B menibs G arcem] partem GB 136 mola Q uincto D 137 caetera A, ceter Q prostrata cadat pars t GB constructa B, constrata v 138 infidas Q 189 eitinguienda G, eztincta B 140 inferni BGB caca (e m. 2) A, cecata GB 141 mones G1 credes ADQ 142 mortale 01 constari B, constrare R dnifi GB 143 uis GB et simul R 144 menbra Beat R 145 nomine AQ, munere T 146 uenci R 147 armartus T, armatur E inermis BT, inhermis GB 148 armatis T inhermes GB, inermis T pectore BGB 149 prosternit G, prosternat BR, prosternet cd. 150 psentam psenti Q 151 mente Q )
    58
  12. laeta deo referens gaudentibus inuehit astris.
  13. quid iuuat ergo pium tanta quod mole furoris
  14. Felicem, uesane, petis? manet intus operto,
  15. mens inuicta deo; nec iam tibi sola resistit
  16. terreni natura hominis; deus ipse repugnat
  17. quem petis, atque tuis, serpens antique, uenenis
  18. ipse offert se per famulorum corpora Christus
  19. teque tuis nectens laqueis in caede suorum
  20. sternit, per mortis speciem de morte triumphans.