Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Venit festa dies caelo, celeberrima terris,
  2. natalem Felicis agens, qua corpore terris
  3. occidit et Christo superis est natus in astris,
    4. [*]( 16 superant Q1 17 eo] ego edd. us. 18—30 om. Bv 19 magno stas] agnoscas T 20 uiuat excussas in T 21 caro Q est om. T 22 aeternum Lebum, eternum E celebratea Q 26 felix licet tuo tibi D, felix licet uoti AQ praesole AQ 27 caue T 28 titulis romam dignata secundis T 30 sepulchris] secundis ADQ 32 placato LlT, placiti B munera AQ 33 plagi T 34 placito T us. 35 et 36 om. Q bone B subducta religa in T 36 ancora T. — Finit II B, expl1 laus anni primi. Incipit anni secundi D. )[*](Xmi. ABDEQT; J exh. 116-126. — Ite in eandem diem Ill - B, carmen anni III. incipit E. 2 om. Q )
    46
  4. caelestem nanctus sine sanguine martyr honorem.
  5. nam confessor obit poenas non sponte lucratus
  6. acceptante deo fidam pro sanguine mentem,
  7. qui cordis taciti scrutator ferre paratos
  8. aequiperat passis, sat habens interna probasse
  9. supplicium carnis iusta pietate remittit;
  10. martyrium sine caede placet, si prompta ferendi
  11. mensque fidesque deo caleant; passura uoluntas
  12. sufficit et summa est meriti testatio noti.
  13. ergo dies, tanto quae munere condidit alto
  14. Felicem caelo, sacris sollemnibus ista est,
  15. quae post solstitium, quo Christus corpore natus
  16. sole nouo gelidae mutauit tempora brumae
  17. atque salutiferum praestans mortalibus ortum
  18. procedente die secum decrescere noctes
  19. iussit, ab hoc quae lux oritur uicesima nobis,
  20. sidereum meriti signat Felicis honorem.