Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- nec ab orbe longe nec remotam lumine
- tenebo fibris insitum,
- uidebo corde, mente conplectar pia
- ubique praesentem mihi.
- et cum solutus corporali carcere
- terraque prouolauero,
- quo me locarit axe communis pater,
- illic quoque animo te geram.