Epitome Divinarum Institutionum

Lactantius

Lactantius. L. Caeli Firmiani Lactanti Opera omnia, Part I. Brandt, Samuel, editor; Laubmann, Georg, editor. Vienna: Gerold, 1890.

Quae omnia prophetae sic futura esse praedixerant. Esaias ita dicit: non sum contumax neque contradico: dorsum meum (posui) ad flagella et maxillas meas ad palmas, faciem autem meam non auerti a foeditate sputorum. idem de silentio: sicut ouis ad immolandum adductus est et sicut agnus coram tondentibus sine uoce, sic non aperuit os suum.

item Dauid in psalmo XXXIIII: congregata sunt in me flagella et ignorauerunt, dissoluti sunt nec conpuncti sunt: temptauerunt me et striderunt super me dentibus suis. idem de cibo et potu (in psalmo) LXVIII: et dederunt in escam meam fel et in siti mea potum mihi dederunt acetum.

item [*](INSTITUTIONES 9] hoc non est in Inst., cf. tamen IV 10,18. 10-13] IV 19, 2. 14-18] IV 18, 13. 18-20] IV 18, 16. 20-23] IV 18, 14. 23-25] IV 18, 18. 25-719, 4] IV 18, 30. ) [*](AUCTORES 15] Is. 50, 5 s. 18] Is. 53, 7. 20] Ps. 34,15 s. 24] Ps. 68, 22. ) [*](77 1 Syria Pf 4 adfixerunt Buen coni. Inst. IV18, 7, addixerunt T 8 suspenderunt (eum) Pf adque T rad>fixerunt T 9 postpridie T s 11 namquae T 12 terra (a exp. et del.) T 13 uerteretur Pf, uerteltur T 14 profetae T prediierant T 15 eseias T 16 posui add. Pf ex Inst. IV 18,13 19 est Pf ex Inst., sum T 21 in] super codd. Inst. IV18,14 ex Vulg., ut uid. 23 post me fort. et deriserunt derisum excidit, cf. ad loco Inst. super suspectum, cf. ad loco Inst. 24 in add. Pritzschius, psalmo add. Pf 25 an idem ? )

719
de cruce Christi: effoderunt manus meas et pedes meos, dinumerauerunt omnia ossa mea: ipsi autem contemplati sunt et uiderunt me, diuiserunt uestimenta mea sibi et super uestem meam sortem miserunt.

Moyses in Deuteronomio: et erit pendens uita tua ante oculos tuos, et timebis die et nocte et non credes uitae tuae. item in Numeris: non quasi homo dominus suspenditur neque quasi filius hominis minas patitur.

item Zacharias: et intuebuntur in me, quem transfixerunt. de solis obscuratione Amos ita dicit: in illo die, dicit dominus, occidet sol meridie et obtenebrabitur dies lucis: et conuertam dies festos uestros in luctum et cantica uestra in lamentationem.

item Hieremias de ciuitate Hierosolyma, in qua passus est: et subiuit sol ei, cum adhuc medius dies esset, contusa est et maledicta: reliquos eorum in gladium dabo.

nec frustra haec dicta sunt, siquidem post breue tempus imperator Vespasianus Iudaeos debellauit et terras eorum ferro ignique depopulatus est, obsessos fame subegit, Hierosolymam euertit, captiuos triumphauit, ceteris qui reliqui fuerunt terris suis interdixit, ne quando iis ad solum patrium reuerti liceret.