De Mortibus Persecutorum

persuadet nihil suspicanti, ne omnem secum exercitum duceret, paucis militibus posse barbaros debellari, ut et ipse haberet exercitum quem occuparet, et ille opprimi posset ob militum paucitatem.

credit adulescens ut perito ac seni, paret ut socero: proficiscitur relicta militum parte maiore. ille paucis diebus expectatis cum iam Constantinum aestimaret intrasse fines barbarorum, repente purpuram sumit, thesauros inuadit, donat ut solet large: fingit de Constantino quae in ipsum protinus reciderunt.

imperatori propere quae gesta sunt, nuntiantur. admirabili celeritate cum exercitu reuolat. opprimitur homo ex improuiso, nondum satis instructus.

milites ad imperatorem suum redeunt. occupauerat Massiliam et portas obserauerat. accedit propius imperator et in muro adstantem alloquitur, non aspere nec hostiliter, sed rogat [*](LOCI AVCTORVM EXPILATOBVM SIMILES 24 s.] Panegyr. VII 15 (p. 171, 21 ss. Baehrens). ) [*](Bal) coni. Brandt (ef. ad coirent et cogerent c. 36, 4; dedidit se c. 26, 10), uix et <de restituenda concordia> uel sim. fuisse uid. ) [*]( 1 per occasionem Bal, pro occasione C 2 euo. quo cura uenisset anonymus p. 52 (conferri potest p. 191, 7) 5 locum Columbus, item Bentleius, loco C; cf. Proleg. adn. 6 6 praefuerunt Bauldri qua re anonymus p. 52, quare Bal 7 fugam Bal, pugnam C 8 contagionis Bal 10 posset Bal, possit C 13 post exercitum ex 12 debellari repetitum, sed expunctum, C obprimi C 14 posset Bal, possit C paucitate C, corr. Bal adolescens C 17 estimaret C, existimaret Heumann 18 tesauros C 19 recciderunt C 21 obprimitur C inprouiso C 23 po-rtas, post o lift. incerta, C obserrauerat C )

attrahitur ad imperatorem rebellis imperator, pater impius, socer perfidus. audit scelera quae fecit, detrahitur ei uestis et increpito uita donatur.

Sic amisso imperatoris ac soceri honore humilitatis impatiens alias rursus insidias machinatus est, quia semel habuit inpune.

uocat filiam Faustam eamque nunc precibus nunc blandimentis sollicitat ad proditionem mariti, alium digniorem uirum pollicetur: petit, cubiculum patens relinqui et neglegentius custodiri sinat.

pollicetur illa facturam et refert protinus ad maritum. componitur scaena qua manifesto facinus teneretur. supponitur quidam uilis eunuchus qui pro imperatore moriatur.

surgit ille nocte intempesta, uidet omnia insidiis opportuna. rari excubitores erant et ii quidem longius: quibus tamen dicit uidisse somnium quod filio suo narrare uellet. ingreditur armatus et spadone obtruncato prosilit gloriabundus ac profitetur quid admiserit.

repente se ex altera parte Constantinus ostendit cum globo armatorum. profertur e cubiculo cadauer occisi: haeret manifestarius homicida et mutus stupet, quasi

1. dura silex aut stet Marpesia cautes:

1. ac nodum informis leti trabe nectit ab alta.

ita ille Romani nominis maximus imperator, qui post longum temporis interuallum cum ingenti gloria uiginti annorum uota celebrauit, eliso et fracto superbissimo gutture uitam detestabilem turpi et ignominiosa morte finiuit.