Evangeliorum libri quattuor
Juvencus, Caius Vettius Aquilinus
Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.
- Iudicioque graui miseros exsurgere prauos.
- Nec mihi iudicium tribuit mea sola potestas,
- Arbitrio quoniam genitoris cuncta iubentur,
- Qui me iustitiam terris disquirere iussit.
- Namque ego si proprio testis pro nomine surgam,
- Falsa loquar; aliusque itidem quia testis habetur
- Pro nobis, semper mihi talia temnere fas est.
- Nam ueris operum signis manifestior omni
- Luce nitet praesens nostris testatio factis. [*]( 652] cf. Verg. Aen. VI 696. 667] cf. Verg. Aen. I 77. )[*]( 646 nam M dispicietis RKaKaTBaBbH 648 fide C figet CLP YIGHHd, figit rell. 649 emittentis MHl patiscent C despicienspatescent om. Mp 653 DE DIE IVDICII L adueniat RlHl tempus quo mortua Poelm. in mg. 654 accepient C, accipiant L tenebit Hl 655 possedit C, posedet M ipse M 656 et ius dicere iussit sic tribuit nato uitam KIKz (m. 1) T\' et ius-hominis om. MIBbt 657 terras C LMpPVtBGH, terris rell. cum C, de rell. torpores Mp flU. 658- 676 post 764 leguntur in M 658 mirum uobis Hl 659 ad] om. Mp proprii G, epropitis Mp 662 tribuet CKyKtG, tribuat V3 uoluntas MKjKaLPViBBbH 663 iubet M 666 loquor B alius M, s. 1. K2 T*Bb habet** C 667 semper] recte RzT mihi iam C 668 uiris C, uerius M, uires (m. 1) K2T 669 actio M, testatio in ras. K2T2, est actio Bb t facti* T )
- Talia concedens genitor mihi testis adhaeret,
- Qui me dimisit terris sua ponere iussa.
- Huius enim uocem numquam conprendere quistis
- Nec speciem propriam concessit uisere uobis.
- Nec sermo ipsius poterit per uestra sedere
- Pectora, credendi quoniam substantia nulla est.
- Quaeratur ueterum scriptorum lectio uobis,
- Perpetuam cunctis uitam quam ferre putatis.
- Haec etiam nostrum testatur lectio donum.
- Nec tamen audetis propius consistere nobis,
- Ne uerae uobis contingat gratia uitae.
72