De Martyrio Maccabeorum

Pseudo-Hilarius

Pseudo-Hilarius. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. quod dederat, corpus tellus adaperta recepit,
  2. sanctaque, quae superest, anima inuiolata recessit.
  3. Quamuis lassa parens perque et sua uulnera uictrix
  4. procidit in faciem pariter manibusque supinis
  5. has habuit uoces et talia uerba locuta est:
  6. "Qui tenes imperium caeli terraeque marisque,
  7. sidera qui caelo, qui das animalia terris.
  8. aequoribus pisces, auibus qui temperas auras:
  9. ad te, magne, meae mentis fiducia surgit,
  10. qui chaos inmensum, caeca caligine mixtum,
  11. diuidis in partes et das noctemque diemque,
  12. lunamque ac solem, uario quos tempore semper
  13. nocte dieque iubes lumen praebere per orbem.
  14. post haec das hominem, cuius de semine mundi