Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Innocuis placida uernabat luce serenus,
  2. Ceu speculum noxis iniciens faciem.
    LXXXIIII. DE AMICO DEI EVSEBIO PONTIFICE.
  1. Eusebius Ligurum successit finibus hospes,
  2. Ignotae tractus plebis amicitia.
  3. Graius erat, socio Titan quos respicit ortu,
  4. Flammigero limphas uertice decutiens.
  5. Mitis conpositus largus pius integer audax,
  6. Crederet ut damnum non dare perpetuum.
  7. Fleuit pauperiem miserans, adrisit habenti,
  8. Gaudia cum cunctis tristitiamque gerens:
  9. Hunc index operis locuturo nuntiat orbi
  10. Fama uirum, gentes de statione trahens.
    LXXXV. DE GERONTIO VIRO SIMPLICI EPISCOPO.
  1. Ecclesiae postquam parta est tibi sella, Geronti,
  2. Funera decessor non timuit moriens.
  3. Te reparante redit, patitur sors pallida letum,
  4. Viuit post obitum discipuli pretio.
    5. [*]( LXXXIll. 4 mnltantem b et Ale. tacitus E, tacitum Alc. 5 lapsos fort. 6 dedit] tulit Alc. 7 us. 7-10 om. Alc. sectis Font. 8 tortorJ suter Font. 9 placida] plena Font. serenum Font. CCCCXLIX. PREIDIE EID. MART subscr. Alc. LXXXIIII. 1 hospis B 8 gratus Eb, graccus P socios fort., roseo coni. Schenkl situ L hortu B 4 limfas B 5 intiger Bl 6 dampnum ELPV 8 adrisi Ll Menti B 9 w. 9. et 10. om. Pb indix B loquitur ennntiat fort. LXXXV. 3 partitur L\' loetum LV, laetom B )
    586
  5. Agricolis iunctus coluisti germina uitae
  6. Nec serpens lolium pabula laeta tulit.
  7. Qui dedit in medium quem lex iubet optima uictum
  8. Emit terrenis fructibus ille polum.