Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Naribus argutus, gressu celer, ore timendus,
  2. Inpauidus presso signans uestigia rostro:
  3. Quo ceruus capreae lepores lupus ursa uagatur,
  4. Inuenit, et tepido capitur fera prouida lecto.
  5. Luditur agnellae post proelia tanta uolatu:
  6. Molle pecus uolucrem praeuertit fraude molossum.