Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Quem genetrix fudit saeclis sine semine feta,
  2. Ad matrem iungens uirginitatis onus,
  3. Qui mortem propriae superauit munere mortis,
  4. Dans uitam mundo, funere quam peperit:
  5. Ille per excelsum uideat me dexter Olympum.
  6. Tunc patriam teneam. tunc stationis opem.
  7. Nubila laxati uerrant licet aequora uenti,
  8. Rimosam puppim nil nocitura petunt.
  9. Dulcia conpositis quatiam tunc tympana chordis,
  10. Floribus et pingam carmina nostra nouis.
  11. Vt fatear, doctis constat bene dicere laetum:
  12. Tristia nil capiunt pectora uersiloqui.