Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Quam bene pandit aquas cui blandus murmurat amnis!
  2. Anni tempus erat, quo uernat mitibus uuis
  3. Palmes et autumni dotes proponit in orbe,
  4. Imbribus externis madida cum ueste Lyaeus
  5. Distendit tunicas uuarum carcere musti.
  6. Vberibus pluuiis (ri)parum lege subacta
  7. Tunc sibi forte Padus captiuos texerat agros,
  8. Canebant spumis et turgida dorsa minaci.