Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Gaudia transcendunt uires, uox laeta superbit:
  2. Ingenii maciem prospera non metuunt.
  3. Dulcia temporibus famulantur fila secundis:
  4. Quod felix meruit, nobile carmen erit.
  5. Vox iusti quaestor, legum substantia, nobis
  6. Ceu Phoebus mittet tympana plectra lyram.
  7. Docta Camenarum coeat pia turba sororum,
  8. Offerat arguto pollice quod loquitur.
  9. Turgida fatidici uix possint pectora uatis
  10. 10 Virtutum species enumerare tuas.
    11. [*]( 51 cf. VergiL Aen. I 604 )[*]( 40 marmor/// B senetiam BY, seu etiam EMPS sonitibus b 41 succendunt L 44 letheo BEP, loetheo L, loethaeo V 45 lumina EM lustrassem V 48 quintinus L 50 pullis b, pollia BELMP et (ex pillis corr. m. 1) V 51 hostilis libri, em. Sirm. laqueos b, laqueus libri scendat B 52 haec semper fort. )[*](n. EVGENITI B lleta ELV 5 iuste L1 questor LV 6 foebus B 9 possunt Eb )
    510
  11. Tu decus Italiae, spes tu fidissima recti,
  12. Fax, tuba causarum, purpura nostra, uale.
  13. Luminibus locuples solem te Roma uocauit
  14. Celsa, Quirinali suscipiens gremio.
  15. Eloquio lyncem, tu subdis uoce leonem.
  16. Melle tuo serpens gutturis arma premit.
  17. Fetibus orbatae ferrent tibi munera tigres,
  18. Quae dolor et feritas sure pauente daret.
  19. Te pene demessum ceu florem dextera fati
  20. Dum lacerat, Christus perculit exitium.