Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Quae nos et ipsi sequemur pure uiuentes;
  2. Mors tantum aderat et labor, nam cetera surda.
  3. Hic ergo populus, qui nunc est extra repostus,
  4. Siccato fluuio repetet in terra Iudaea;
  5. Cum ipsis et Deus ueniet implere promissa,
  6. Qui per totum iter exultant Deo praesente.
  7. Omnia uirescunt ante illos, omnia gaudent,
  8. Excipere sanctos ipsa creatura laetatur:
  9. Omni loco fontes exurgunt esse parati,
  10. Qua graditur populus Summi cum terrore caelesti.
  11. Vmbraculum [illis] faciunt nubes, ne uexentur a sole,
  12. Et ne fatigentur, substernunt se montes et ipsi;
  13. Praemittetur enim ante illos angelus Alti,
  14. Qui ducatum eis pacificum praestet eundo.
  15. Hi sine labore leuiter gradiuntur euntes
  16. Et quasi leones, qua transeunt, omnia uastant.
  17. Neque gens ulla quidem poterit resistere contra,