Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Nam de sua facta scelerata dicere nolunt,
  2. Semper homicidae semper manibusque cruentis,
  3. Quos Dominus numquam potuit domare monendo.
  4. Suffecerat illis per ignauiam tanta fecisse
  5. Et dicere: Scriptum sic erat, modo credere fas est.
  6. Sed Dominus ipse obscurauit sensus eorum,
  7. Indurauit eos sicut Pharaonem in ipsis;
  8. Nec preces eorum dixit exaudire se uelle
  9. Et de terra sua proiecit illos iratus.
  10. Cum filios illos utique iam dixerat ante,
  11. Necesse uoluerat bono corde uiuere natos;
  12. Quando pater gaudet, cum sit bonus filius illi;
  13. Quod si malus fuerit, execretur odio natum.
  14. Contrarium nullus patitur sibi filium esse,\'
  15. Excluditur omnis caritas crudele de nato,
  16. Nec facit heredem illum ex asse suorum,.-.
  17. Quae si prius poterit consumere, gaudet in illum.