Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Iunior quod frater primitiua tolleret ille?
  2. Sic nec synagoga potuit cognoscere tempus,
  3. Quando et quo duce caderet de suo priuato;
  4. Sicut erat scriptum, quod auis sua tempora norunt,
  5. Nam populus iste non me intellexit adesse.
  6. Ventum est, ut ipse dominator caeli ueniret:
  7. Secundum scripturas non est conputatus ab ipsis.
  8. Praescius hoc fuerat Dominus, quasi cuncta qui nouit;
  9. Idcirco per ora prophetarum ista praedixit.
  10. Gens ceruicosa nimis semperque rebellans
  11. Dum sibi primatum uindicaret, causa resecta est.
  12. In quorum stadia gentiles esse praefecit;
  13. Dixerat hoc ante: Gentes sperabunt in ipsum.
  14. Nam lapis inmissus ipse est in fundamina Sion,