Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Tunc aliud atque aliud fulmen iactatur ab astris,
  2. Ignea tempestas furit reseruata tot annis.;-
  3. Rugit pestifera clades, tremit excita tellus,
  4. Nec, quo se auertat, prouidet gens omnis humana.
  5. Stellae cadunt caeli, iudicantur astra nobiscum:
  6. Turbantur caelicolae, agitur dum saecli ruina.
  7. Suppetium nullum tunc erit et clamor inanis;
  8. Non nauis accipiet hominem, non ulla latebra;
  9. Nec illi subueniunt, quos ante pro magno colebant:
  10. Quisque sibi satagit, sed nil profic<i>et illi;
  11. His tantum proficiet, qui fuerint Christo notati;.
  12. Ros ad illos erit, nam ceteris poena letalis.
  13. Pars incredulorum seruatur molliter usta,