Panegyricus dictus Manlio Theodoro consuli

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. quin etiam sontes expulsa corrigis ira
  2. et placidus delicta domas; nec dentibus umquam
  3. instrepis horrendum, fremitu nec verbera poscis.
  4. Qui fruitur poena, ferus est, legumque videtur
  5. vindictam praestare sibi; cum viscera felle
  6. canduerint, ardet stimulis ferturque nocendi
  7. prodigus, ignarus causae: dis proximus ille,
  8. quem ratio, non ira movet, qui facta rependens
  9. consilio punire potest, mucrone cruento
  10. se iactent alii, studeant feritate timeri
  11. addictoque hominum cumulent aeraria censu.
  12. lene fluit Nilus, sed cunctis amnibus extat
  13. utilior nullo confessus murmure vires;
  14. acrior ac rapidus tacitas praetermeat ingens
  15. Danuvius ripas; eadem dementia sani
  16. gurgitis inmensum deducit in ostia Gangen.
  17. torrentes inmane fremant lassisque minentur
    18. v.1.p.356
  18. pontibus et volvant spumoso vertice silvas:
  19. pax maiora decet; peragit tranquilla potestas,
  20. quod violenta nequit, mandataque fortius urget