Panegyricus de sexto consulatu Honorii Augusti

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. haec et belligeros exercuit area lusus,
  2. armatos haec saepe choros, certaque vagandi
  3. textas lege fugas inconfusosque recursus
  4. et pulchras errorum artes iucundaque Martis
  5. ccrnimus, insonuit cum verbere signa magister,
    6. v.2.p.120
  6. mutatos edunt pariter tot pectora motus
  7. in latus adlisis clipeis aut rursus in altum
  8. vibratis; grave parma sonat, mucronis acutum
  9. murmur, et umbonum pulsu modulante resultans
  10. ferreus alterno concentus clauditur ense.
  11. una omnis summissa phalanx tantaeque salutant
  12. te, princeps, galeae, partitis inde catervis
  13. in varies docto discurritur ordine gyros,
  14. quos neque semiviri Gortynia tecta iuvenci
  15. flumina nec crebro vincant Maeandria flexu.
  16. discreto revoluta gradu torquentur in orbes
  17. agmina, perpetuisque inmoto cardine claustris
  18. Ianus bella premens laeta sub imagine pugnae
  19. armorum innocuos paci largitur honores.
  20. Iamque novum fastis aperit felicibus annum