Panegyricus de sexto consulatu Honorii Augusti

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Tu quoque non parvum Getico, Verona, triumpho
  2. adiungis cumulum, nec plus Pollentia rebus
  3. contulit Ausoniis aut moenia vindicis Hastae.
  4. hic, rursus dum pacta movet damnisque coactus
  5. extremo mutare parat praesentia casu,
  6. nil sibi periurum sensit prodesse furorem
  7. converti nec fata loco, multisque suorum
  8. diras pavit aves, inimicaque corpora volvens
  9. Ionios Athesis mutavit sanguine fluctus.
  10. Oblatum Stilicho violato foedere Martem
  11. omnibus adripuit votis, ubi Roma periclo
  12. iam procul et belli medio Padus arbiter ibat.
  13. iamque opportunam motu strepuisse rebelli
  14. gaudet perfidiam praebensque exempla labori
  15. sustinet accensos aestivo pulvere soles.
  16. ipse manu metuendus adest inopinaque cunctis
    17. v.2.p.90
  17. instruit arma locis et qua vocat usus ab omni
  18. parte venit. fesso si deficit agmine miles,
  19. utitur auxiliis damni securus, et astu
  20. debilitat saevum cognatis viribus Histrum