Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. purpureos merito placavit sanguine manes.
  2. Illi iustitiam confirmavere triumphi,
    3. v.1.p.294
  3. praesentes docuere deos. hinc saecula discant
  4. indomitum nihil esse pio tutumve nocenti:
  5. nuntius ipse sui longas incognitus egit
  6. praevento rumore vias. inopinus utrumque
  7. perculit et clausos montes, ut plana, reliquit.
  8. extruite inmanes scopulos, attollite turres,
  9. cingite vos fluviis, vastas opponite silvas,
  10. Garganum Alpinis Appenninumque nivalem
  11. permixtis sociate iugis et rupibus Haemum
  12. addite Caucasiis, involvite Pelion Ossae:
  13. non dabitis murum sceleri. qui vindicet, ibit:
  14. omnia subsident meliori pervia causae.
  15. Nec tamen oblitus civem cedentibus atrox
  16. partibus infremuit; non insultare iacenti