Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. perdurat non empta fides nec pectora merces
  2. adligat; ipsa suo pro pignore castra laborant;
  3. te miles nutritor amat. Quae denique Romae
    4. v.1.p.324
  4. cura tibi! quam fixa manet reverentia patrum!
  5. firmatur senium iuris priscamque resumunt
  6. canitiem leges emendanturque vetustae
  7. acceduntque novae, talem sensere Solonem
  8. res Pandioniae; sic armipotens Lacedaemon
  9. despexit muros rigido munita Lycurgo.
  10. quae sub te vel causa brevis vel iudicis error
  11. neglegitur? dubiis quis litibus addere finem
  12. iustior et mersum latebris educere verum?
  13. quae pietas quantusque rigor tranquillaque magni
  14. vis animi nulloque levis terrore moveri
  15. nec nova mirari facilis! quam docta facultas
  16. ingenii linguaeque modus! responsa verentur
  17. legati, gravibusque latet sub moribus aetas.
  18. Quantus in ore pater radiat! quam torva voluptas
  19. frontis et augusti maiestas grata pudoris!
  20. iam patrias imples galeas; iam cornus avita