Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. Ionium tegitur velis ventique laborant
  2. tot curvare sinus servaturasque Corinthum
  3. prosequitur facili Neptunus gurgite classes,
  4. et puer, Isthmiaci iam pridem litoris exul,
  5. secura repetit portus cum matre Palaemon.
  6. plaustra cruore natant: metitur pellita iuventus:
  7. pars morbo, pars ense perit. non lustra Lycaei,
  8. non Erymantheae iam copia sufficit umbrae
  9. innumeris exusta rogis, nudataque ferro
  10. sic flagrasse suas laetantur Maenala silvas.
  11. excutiat cineres Ephyre, Spartanus et Areas
  12. tutior exanguis pedibus proculcet acervos
  13. fessaque pensatis respiret Graecia poenis!
  14. gens, qua non Scythicos diffusior ulla Triones
  15. incoluit, cui parvus Athos angustaque Thrace,
  16. cum transiret, erat, per te viresque tuorum
  17. fracta ducum lugetque sibi iam rara superstes,
  18. et, quorum turbae spatium vix praebuit orbis,
  19. uno colle latent, sitiens inclusaque vallo
    20. v.1.p.322
  20. ereptas quaesivit aquas, quas hostibus ante