Panegyricus de tertio consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. distulit Augustus cupido se credere caelo,
  2. dura tibi pacatum praesenti traderet orbem.
  3. nec mora: Bistoniis alacer consurgis ab oris,
  4. inter barbaricas ausus transire cohortes
  5. impavido vultu; linquis Rhodopeia saxa
  6. Orpheis animata modis; iuga deseris Oetes
  7. Herculeo damnata rogo; post Pelion intras
  8. Nereis inlustre toris; te pulcher Enipeus
  9. celsaque Dodone stupuit rursusque locutae
  10. in te Chaoniae moverunt carmina quercus.
  11. Illyrici legitur plaga litoris; arva teruntur
  12. Dalmatiae; Phrygii numerantur stagna Timavi.
  13. gaudent Italiae sublimibus oppida muris
  14. adventu sacrata tuo, summissus adorat
  15. Eridanus blandosque iubet mitescere fluctus
  16. et Phaethonteas solitae deflere ruinas
  17. roscida frondosae revocant electra sorores.
  18. Quanti tum iuvenes, quantae sprevere pudorem