In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. Pamphylos Pisidasque rapi. metuendus ab omni
  2. Tarbigilus regione tonat; modo tendere cursum
  3. in Galatas, modo Bithynis incumbere fertur.
  4. sunt qui per Cilicas rupto descendere Tauro,
  5. sunt qui correptis ratibus terraque marique
  6. adventare ferant; geminantur vera pavoris
  7. ingenio: longe spectari puppibus urbes
  8. accensas, lucere fretum ventoque citatas
  9. omnibus in pelago velis haerere favillas.
  10. Hos inter strepitus funestior advolat alter
    11. v.1.p.220
  11. nuntius: armatam rursus Babylona minari
  12. rege novo; resides Parthos ignava perosos
  13. otia Romanae finem iam quaerere paci.
  14. rarus apud Medos regum cruor; unaque cuncto
  15. poena manet generi: quamvis crudelibus aeque
  16. paretur dominis. sed quid non audeat annus
  17. Eutropii? socium nobis fidumque Saporem
  18. perculit et Persas in regia vulnera movit
  19. rupturasque fidem, leto pars ne qua vacaret,
  20. Eumenidum taedas trans flumina Tigridis egit.