In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. mitigat iratas voce tremente nurus.
  2. innumeri glomerantur eri sibi quisque petentes
  3. mancipium solis utile suppliciis.
  4. quamvis foedus enim mentemque obscaenior ore,
  5. ira dabit pretium; poena meretur emi.
  6. Quas, spado, nunc terras aut quem transibis in axem?
  7. cingeris hinc odiis, inde recessit amor,
  8. utraque te gemino sub sidere regia damnat:
  9. Hesperius numquam, iam nec Eous eris.
  10. miror cur, aliis qui pandere fata solebas,
  11. ad propriam cladem caeca Sibylla taces.
  12. iam tibi nulla videt fallax insomnia Nilus;
  13. pervigilant vates iam, miserande, tui.
  14. quid soror? audebit tecum conscendere puppim
  15. et veniet longum per mare fida comes?
  16. an fortasse toros eunuchi pauperis odit
  17. et te nunc inopem dives amare negat?
  18. eunuchi iugulum primus secuisse fateris;
  19. sed tamen exemplo non feriere tuo.
  20. vive pudor fatis. en quem tremuere tot urbes,