Fescinnina de nuptiis Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. placide iocentur urbes,
  2. quaeque novo quaeque nitent
  3. deficiente Phoebo.
  4. Aquiloniae procellae,
  5. rabidi tacete Cauri,
  6. taceat sonorus Auster.
  7. solus ovantem Zephyrus
  8. perdominetur annum.
v.1.p.236
  1. Solitas galea fulgere comas,
  2. Stilicho, molli necte corona,
  3. cessent litui saevumque procul
  4. Martem felix taeda releget.
  5. tractus ab aula rursus in aulam
  6. redeat sanguis, patris officiis
  7. iunge potenti pignora dextra.
  8. gener Augusti pridem fueras,
  9. nunc rursus eris socer Augusti.
  10. quae iam rabies livoris erit?
  11. vel quis dabitur color invidiae?
  12. Stilicho socer est, pater est Stilicho.