Epithalamium de nuptiis Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. veximus, attritis cum tenderet ultor Achivis.”
  2. Iam Ligurum terris spumantia pectora Triton
  3. adpulerat lassosque fretis extenderat orbes.
  4. continuo sublime volans ad moenia Gallis
  5. condita, lanigeri suis ostentantia pellem,
  6. pervenit. adventu Veneris pulsata recedunt
  7. nubila, clarescunt puris Aquilonibus Alpes.
    8. v.1.p.256
  8. laetitiae causas ignorat dicere miles
  9. laetaturque tamen; Mavortia signa rubescunt
  10. floribus et subitis animantur frondibus hastae.
  11. ilia suum dictis adfatur talibus agmen:
  12. “Gradivum, nostri comites, arcete parumper,
  13. ut soli vacet aula mihi. procul igneus horror
  14. thoracum, gladiosque tegat vagina minaces
  15. stent bellatrices aquilae saevique dracones.
  16. fas sit castra meis hodie succumbere signis:
  17. tibia pro lituis et pro clangore tubarum
  18. molle lyrae festumque canant. epulentur ad ipsas
  19. excubias; mediis spirent crateres in armis.
  20. laxet terribiles maiestas regia fastus