Epithalamium de nuptiis Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. sublevat Oceani monstrum Tartesia tigris;
  2. hanc timor Aegaei rupturus fronte carinas
  3. trux aries; haec caeruleae suspensa leaenae
  4. innatat; haec viridem trahitur complexa iuvencum)
  5. certatimque novis onerant conubia donis.
  6. cingula Cymotboe, rarum Galatea monile
  7. et gravibus Psamatbe bacis diadema ferebat
  8. intextum, Rubro quas legerat ipsa profundo.
  9. mergit se subito vellitque corallia Doto:
  10. vimen erat dum stagna subit; processerat undis:
  11. gemma fuit. Nudae Venerem cinxere catervae
  12. plaudentesque simul tali cum voce sequuntur:
  13. “bos Mariae cultus, haec munera nostra precamur
  14. reginae regina feras. die talia numquam
  15. promeruisse Thetim nec cum soror Amphitrite
  16. nostro nupta Iovi. devotum sentiat aequor,
  17. agnoscat famulum virgo Stilichonia pontum.
  18. victrices nos saepe rates classemque paternam
  19. veximus, attritis cum tenderet ultor Achivis.”
  20. Iam Ligurum terris spumantia pectora Triton