Epithalamium de nuptiis Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. stabant Idaliae: largos haec nectaris imbres
    2. v.1.p.250
  2. inrigat, haec morsu numerosi dentis eburno
  3. multifidum discrimen arat; sed tertia retro
  4. dat varios nexus et iusto dividit orbes
  5. ordine, neglectam partem studiosa relinquens:
  6. plus error decuit. speculi nec vultus egebat
  7. iudicio; similis tecto monstratur in omni
  8. et capitur 1 quocumque videt. dum singula cernit,
  9. seque probat, nati venientis conspicit umbram
  10. ambrosioque sinu puerum complexa ferocem
  11. quid tantum gavisus? ait; “quae proelia sudas
  12. improbe? quis iacuit telis? iterumne Tonantem
  13. inter Sidonias cogis mugire iuvencas?
  14. an Titana domas? an pastoralia Lunam
  15. rursus in antra vocas? durum magnumque videris
  16. debellasse deum.” Suspensus in oscula matris
  17. ille refert: “Laetare, parens; inmane tropaeum
  18. rettulimus, nostrum iam sensit Honorius arcum.
  19. scis Mariam patremque ducem, qui cuspide Gallos
  20. Italiamque fovet, nec te praeclara Serenae