de raptu Proserpinae

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. dulce tibi, tali quae nunc, ut cernis, hiatu
  2. suppliciis inclusa teror ! tu saeva choreis
  3. indulges ? Phrygias vel nunc interstrepis urbes ?
  4. quodsi non omnem pepulisti pectore matrem,
  5. si tua nata, Ceres, et non me Caspia tigris
  6. edidit, his, oro, miseram defende cavernis
  7. inque superna refer, prohibent si fata reverti,
  8. vel tantum visura veni.” Sic fata trementes
  9. tendere conatur palmas. vis improba ferri
  10. impedit et motae somnum solvere catenae.
  11. obriguit visis ; gaudet non vera fuisse ;
  12. complexu caruisse dolet. penetralibus amens
  13. prosilit et tali compellat voce Cybeben :
  14. “lam non ulterius Phrygia tellure morabor,
  15. sancta parens : revocat tandem custodia cari
  16. pignoris et cunctis obiecti fraudibus anni,
    17. v.2.p.354
  17. nec mihi Cyelopum quamvis extructa caminis
  18. culmina fida satis, timeo ne fama latebras
  19. prodiderit leviusque meum Trinacria celet
  20. depositum. terret nimium vulgata locorum