de raptu Proserpinae

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. “te neque Dictaeas quatiens mugitibus urbes
  2. taurus nec Stygii terruit ira canis,
  3. non leo sidereos caeli rediturus ad axes,
  4. non Erymanthei gloria montis aper.
  5. solvis Amazonios cinctus, Stymphalidas arcu
  6. adpetis, occiduo ducis ab orbe greges
  7. tergeminique ducis numerosos deicis artus
  8. et totiens uno victor ab hoste redis.
  9. non cadere Antaeo, non crescere profuit hydrae ;
  10. nec cervam volucres eripuere pedes.
  11. Caci flamma perit ; rubuit Busiride Nilus ;
  12. prostratis maduit nubigenis Pholoe.
    13. v.2.p.318
  13. te Libyci stupuere sinus, te maxima Tethys
  14. horruit, imposito cum premerere polo :
  15. firmior Herculea mundus cervice pependit ;
  16. lustrarunt umeros Phoebus et astra tuos.”
  17. Thracius haec vates. sed tu Tirynthius alter,
  18. Florentine, mihi : tu mea plectra moves
  19. antraque Musarum longo torpentia somno
  20. excutis et placidos ducis in orbe chores.