de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. quae gravis obstreperet laudi, stimulisque malignis
  2. facta sequebatur quamvis ingentia livor :
  3. solus hie invidiae fines virtute reliquit
  4. humanumque modum. quis enim livescere possit, 40
  5. quod numquam pereant stellae ? quod luppiter olim
  6. possideat caelum ? quod noverit omnia Phoebus ?
  7. est aliquod meriti spatium, quod nulla furentis
  8. invidiae mensura capit. ductoribus illis
  9. praeterea diversus erat favor : aequior ille
  10. patribus invisus plebi ; popularibus illi
  11. munito studiis languebat gratia patrum.
    12. v.2.p.46
  12. omnis in hoc uno variis discordia cessit
  13. ordinibus ; laetatur eques plauditque senator
  14. votaque patricio certant plebeia favori.
  15. O felix servata vocat quem Roma parentem !
  16. o mundi communis amor, cui militat omnis
  17. Gallia, quem regum thalamis Hispania nectit,
  18. cuius et adventum crebris petiere Quirites
  19. vocibus et genero meruit praestante senatus !
  20. non sic virginibus flores, non frugibus imbres,