de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. vincebat celeres, et pax a fonte profecta
  2. cum Rheni crescebat aquis. ingentia quondam
  3. nomina, crinigero flaventes vertice reges,
  4. qui nec principibus donis precibusque vocati
  5. paruerant, iussi properant segnique verentur
  6. offendisse mora; transvecti lintribus amnem
  7. occursant ubicumque velit. nec fama fefellit
  8. iustitiae: videre pium, videre fidelem.
  9. quem veniens timuit, rediens Germanus amavit.
  10. illi terribiles, quibus otia vendere semper
  11. mos erat et foeda requiem mercede pacisci,
  12. natis obsidibus pacem tam supplice vultu
    13. v.1.p.380
  13. captivoque rogant, quam si post terga revincti
  14. Tarpeias pressis subeant cervicibus arces.
  15. omne, quod Oceanum fontesque interiacet Histri,
  16. unius incursu tremuit; sine caede subactus
  17. servitio Boreas exarmatique Triones.
  18. Tempore tam parvo tot proelia sanguine nullo
  19. perficis et luna nuper nascente profectus
  20. ante redis, quam tota fuit, Rhenumque minacem