de Bello Gothico

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Famaque nigrantes succincta pavoribus alas
  2. secum cuncta trahens a Gadibus usque Britannum
  3. terruit Oceanum et nostro procul axe remotam
  4. insolito belli tremefecit murmure Thylen ?
  5. Mandemusne Noti flabris quoscumque timores
  6. pertulimus, festae doleant ne tristibus aures ?
  7. an potius meminisse iuvat semperque vicissim
  8. gaudia praemissi cumulant inopina dolores ?
  9. utque sub occidua iactatis Pleiade nautis
  10. commendat placidum maris inclementia portum,
  11. sic mihi tunc maior Stilicho, cum laeta periclis
  12. metior atque illi redeunt in corda tumultus.
  13. Nonne videbantur, quamvis adamante rigentes,
  14. turribus invalidis fragiles procumbere muri
  15. ferrataeque Getis ultro se pandere portae ?
    16. v.2.p.142
  16. nec vallum densaeque sudes arcere volantes
  17. cornipedum saltus ? iamiam conscendere puppes
  18. Sardoniosque habitare sinus et inhospita Cyrni
  19. saxa parant vitamque freto spumante tueri.
  20. ipsa etiam diffisa brevi Trinacria ponto,