de bello Gildonico

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. proditio? taceo, laesi quod transfuga fratris,
  2. quod levis ingenio. quamvis discrimine summo
  3. proditor adportet suspensa morte salutem
  4. numquam gratus erit. damnamus luce reperta
    5. v.1.p.118
  5. perfidiam nec nos patimur committere tali.
  6. hoc genus emptori cives eum moenibus offert,
  7. hoc vendit patriam. plerique in tempus abusi
  8. mox odere tamen: tenuit sic Graia Philippus
  9. oppida; Pellaeo libertas concidit auro.
  10. Romani scelerum semper sprevere ministros.
  11. noxia pollicitum domino miscere venena
  12. Fabricius regi nudata fraude remisit,
  13. infesto quem Marte petit, bellumque negavit
  14. per famuli patrare nefas, ductosque Camillus
  15. trans murum pueros obsessae reddidit urbi.
  16. Traduntur poenis alii, eum proelia tollunt;
  17. hic manet ut moveat? quod respuit alter in hostem,
  18. suscipis in fratrem? longi pro dedecus aevi!
  19. cui placet, australes Gildo condonat habenas
  20. tantaque mutatos sequitur provincia mores.