Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. ingrueret, quamvis annis et iure minori
  2. cedere grandaevos equitum peditumque magistros
  3. adspiceres totumque palam permittere Martem,
  4. nec gradus aetatisque pudor senioribus obstat,
  5. ne iuveni parere velint. ceu flamine molli
    6. v.2.p.254
  6. tranquillisque fretis clavum sibi quisque regendum
  7. vindicat ; incumbat si turbidus Auster et unda
  8. pulset utrumque latus, posito certamine nautae
  9. contenti meliore manu seseque pavere
  10. confessi (finem studiis fecere procellae) :
  11. haud aliter Stilicho, fremuit cum Thracia belli
  12. tempestas, cunctis pariter cedentibus unus
  13. eligitur ductor ; suffragia quippe peregit
  14. iudex vera timor ; victus ratione salutis
  15. ambitus et pulsus iacuit formidine livor.
  16. Quis tibi tunc per membra tremor quantaeque cadebant
  17. ubertim lacrimae, cum saeva vocantibus arma
  18. iam lituis madido respectans lumina vultu
  19. optares reducem galeaeque inserta minaci
  20. oscula cristati raperes festina mariti !