Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. imperat hic semper ! praesagia luserat error
  2. et dedit augurium regnis infantia linguae,
  3. defuncto genitore tuo sublimis adoptat
  4. te patruus magnique animo solacia luctus
  5. restituens propius quam si genuisset amavit
  6. defuncti fratis subolem ; nec carior olim
  7. mutua Ledaeos devinxit cura Lacones :
  8. addidit et proprio germana vocabula nato
  9. quaque datur fratris speciem sibi reddit adempti.
  10. denique cum rerum summas electus habenas
  11. susciperet, non ante suis intendit amorem
  12. pignoribus quam te pariter fidamque sororem
  13. litus ad Eoum terris acciret Hiberis.
  14. Deseritur iam ripa Tagi Zephyrique relictis
  15. sedibus Aurorae famulas properatur ad urbes.
  16. incedunt geminae proles fraterna puellae :
  17. inde Serena minor, prior hinc Thermantia natu,
  18. expertes thalami, quarum Cythereia necdum
    19. v.2.p.248
  19. sub iuga cervices niveas Hymenaeus adegit.
  20. utraque luminibus timidum micat, utraque pulchro