Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. unde tonent nubes, quo lumine floreat arcus,
  2. hoc mihi quaerenti, si quid deprendere veri
  3. mens valet, expediat. Lapis est cognomine magnes
  4. decolor obscurus vilis. non ille repexam
  5. caesariem regum, non Candida virginis ornat
  6. colla nec insigni splendet per cingula morsu ;
  7. sed nova si nigri videas miracula saxi,
  8. tunc pulchros superat cultus et quidquid Eois
    9. v.2.p.236
  9. Indus litoribus Rubra scrutatur in alga.
  10. nam ferro meruit vitam ferrique rigore
  11. vescitur ; hoc dulces epulas, hoc pabula novit ;
  12. hinc proprias renovat vires ; hinc fusa per artus
  13. aspera secretum servant alimenta vigorem ;
  14. hoc absente perit : tristi morientia torpent
  15. membra fame, venasque sitis consumit apertas.
  16. Mavors, sanguinea qui cuspide verberat urbes,
  17. et Venus, humanas quae laxat in otia curas,