Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. sed non Vergilius, sed non accusat Homerus :
  2. neuter enim quaestor, pauper uterque fuit.
  3. en moveo plausus ! en pallidus omnia laudo
  4. et clarum repeto terque quaterque " sophos " !
  5. ignoscat placidus tandem flatusque remittat
  6. et tuto recitet quod libet ore : placet.
  1. Horret apex capitis ; medio fera lumina surgunt
  2. vertice ; cognatus dorso durescit amictus.
  3. armavit natura cutem dumique rubentes
  4. cuspidibus parvis multos acuere rubores.
v.2.p.204
  1. Carmina per thalamum quamvis festina negare
  2. nec volui genero nec potui socero.
  3. hic socius, dux ille mihi nostrique per aulam
  4. ordinis hic consors emicat, ille prior,
  5. hune mihi coniungit studiis communibus aetas ;
  6. hune mihi praeponit vel senium vel honos.
  7. carmen amor generi, soceri reverentia poscit
  8. officio vatis, militis obsequio.
  1. Forte Venus blando quaesitum frigore somnum
  2. vitibus intexti gremio successerat antri
  3. densaque sidereos per gramina fuderat artus
  4. adclinis florum cumulo ; crispatur opaca
  5. pampinus et musto sudantem ventilat uvam.
  6. ora decet neglecta sopor ; fastidit amictum
  7. aestus et exuto translucent pectore frondes.
  8. Idaliae iuxta famulae triplexque vicissim
  9. nexa sub ingenti requiescit Gratia quercu.
  10. pennati passim pueri quo quemque vocavit
  11. umbra iacent ; fluitant arcus ramisque propinquis
  12. pendentes placido suspirant igne pharetrae.
    13. v.2.p.206
  13. pars vigiles ludunt aut per virgulta vagantes
  14. scrutantur nidos avium vel roscida laeti
  15. mala legunt donum Veneri flexusque sequuntur
  16. palmitis et summas pennis librantur in ulmos ;
  17. defendunt alii lucum Dryadasque procaces
  18. spectandi cupidas et rustica numina pellunt
  19. silvestresque deos longeque tuentibus antrum
  20. flammea lascivis intendunt spicula Faunis :
  21. cum subito varius vicina clamor ab urbe
  22. et fausti iuvenum plausus mixtaeque choreis
  23. auditae per rura lyrae. Celerina per omnes
  24. Italiae canitur montes omnisque maritum
  25. Palladium resonabat ager. Pervenit ad aures
  26. vox iucunda deae strepituque excita resedit
  27. et reliquum nitido detersit pollice somnum
  28. utque fuit, turbata comas, intecta papillas,
  29. mollibus exurgit stratis interque suorum
  30. agmen et innumeros Hymenaeum quaerit Amores
  31. (hunc Musa genitum legit Cytherea ducemque
  32. praefecit thalamis ; nullum iunxisse cubile
  33. hoc sine nec primas fas est attollere taedas).
  34. conspicitur tandem, platano namque ille sub alta
  35. fusus inaequales cera texebat avenas
  36. Maenaliosque modos et pastoralia labris
  37. murmura temptabat relegens orisque recursu
  38. dissimilem tenui variabat harundine ventum.
  39. Restitit ut vidit Venerem, digitisque remissis
  40. ad terram tacito defluxit fistula flatu.
    41. v.2.p.208
  41. dulce micant oculi ; niveas infecerat igni
  42. solque pudorque genas ; dubiam lanuginis umbram
  43. caesaries intonsa tegit. prior ipsa silentem compellat :
  44. “Numquamne, puer, dilecta relinques
  45. carmina ? maternis numquam satiabere donis
  46. dedite Musarum studio nimiumque parentis
  47. aemule ? quid medio tecum modularis in aestu ?
  48. iamne tibi sordent citharae ? iam lustra Lycaei
  49. atque pecus cordi redituraque rupibus Echo ?
  50. huc ades et tantae nobis edissere causas
  51. laetitiae, cui pompa toro tam clara resultet,
  52. quae nova dotetur virgo : patriamque genusque
  53. pande, quibus terris orti, quo semine ducti.
  54. haud ignarus enim, nec te conubia fallunt
  55. ulla ; tuo primae libantur 1 foedere noctes.”
  56. Ille refert : “equidem dudum te, diva, morantem
  57. mirabar, quod adhuc tanti secura maneres
  58. coniugii. non parva tibi mandatur origo.
  59. fascibus insignes et legum culmine fultae
  60. convenere domus et qui lectissimus orbi
  61. sanguis erat. rubris quae fluctibus insula latrat,
  62. qui locus Aethiopum, quae sic impervia famae
  63. secessit regio, quo non rumore secundo
  64. Palladii penetravit amor mentisque benigna
  65. temperies doctique sales et grata seneclus ?
    66. v.2.p.210
  66. per cunctos iit ille gradus aulaeque labores
  67. emensus tenuit summae fastigia sedis
  68. Eoum stabili moderatus iure senatum.
  69. hic splendor iuveni. cunabula prima puellae
  70. Danuvius veteresque Tomi. Mavortia matris
  71. nobilitas spoliis armisque exultat avitis
  72. inmensamque trahit Celerini robore lucem,
  73. qui quondam Meroen iussus Nilumque tueri,
  74. cum sibi post obitus et Parthica fulmina Cari 1
  75. sceptra daret miles rebusque imponere vellet,
  76. despexit fremitus et praetulit otia regno ;
  77. respuit ingestum, quod vi, quod poscere ferro
  78. posthabita pietate solent. tum purpura primum
  79. inferior virtute fuit meruitque repulsam
  80. obvia maiestas. doluit Fortuna minorem
  81. se confessa viro. magnum delata potestas,
  82. maiorem contempta probat. Cognomina sumpsit
  83. plena ducum genitor. paulatim vectus ad altum
  84. princeps militiae, qua non inlustrior extat
  85. altera, cunctorum tabulas adsignat honorum,
  86. regnorum tractat numeros, constringit in unum
  87. sparsas imperii vires cuneosque recenset
  88. dispositos : quae Sarmaticis custodia ripis,
  89. quae saevis obiecta Getis, quae Saxona frenat
  90. vel Scottum legio, quantae cinxere cohortes
  91. Oceanum, quanto pacatur milite Rlienus.
    92. v.2.p.212
  92. casta domus, sincera fides, industria sollers.
  93. elegit Stilicho ; nihil ultra laudibus addi
  94. iudiciove potest, tali nubente puella
  95. nonne tibi cessare nefas ? duc protinus omnes,
  96. duc age. marcentes cupio quassare coronas
  97. et vibrare faces et noctem ducere ludo.
  98. haec quoque non vilem iam fistula commodat usum responsura choris.”
  99. Vix haec Hymenaeus ; at illa
  100. fontibus abluitur gelidis legemque capillo
  101. reddit et ornatum formae prelisque solutae
  102. mira Dioneae sumit velamina telae.
  103. floribus extruitur currus ; iuga floribus halant ;
  104. florea purpureas adnectunt frena columbas.
  105. undique concurrunt volucres, quaecumque frementem
  106. permulcent Athesin cantu, quas Larius audit,
  107. quas Benacus alit, quas excipit amne quieto
  108. Mincius : ereptis obmutuit unda querellis.
  109. Eridani ripas et raucae stagna Padusae
  110. diffugiens nudavit olor. laetantur Amores
  111. frenatisque truces avibus per nubila vecti
  112. ostentant se quisque deae magnoque tumultu
  113. confligunt pronique manus in verbera tendunt
  114. atque impune cadunt : lapsus meliore volatu
  115. consequitur vincitque suos auriga iugales.
  116. Ut thalami tetigere fores, tum vere rubentes
  117. desuper invertunt calathos largosque rosarum
  118. imbres et violas plenis sparsere pharetris
  119. collectas Veneris prato, quibus ipse pepercit
    120. v.2.p.214
  120. Sirius et teneras dementi sidere fovit.
  121. gemmatis alii per totum balsama tectum
  122. effudere cadis, duro quae saucius ungue
  123. Niliacus pingui desudat vulnere cortex,
  124. adgreditur Cytherea nurum flentemque pudico
  125. detraxit matris gremio. matura tumescit
  126. virginitas superatque nives ac lilia candor
  127. et patrium flavis testatur crinibus Histrum.
  128. tum dextram complexa viri dextramque puellae
  129. tradit et his ultro sancit conubia dictis :
  130. “Vivite Concordes et nostrum discite munus.
  131. oscula mille sonent ; livescant brachia nexu ;
  132. labra ligent animas. neu tu virtute proterva
  133. confidas, iuvenis ; non est terrore domanda,
  134. sed precibus placanda tibi. concede marito
  135. tu quoque neu Scythicas infensis unguibus iras
  136. exercere velis ; vinci patiare, rogamus.
  137. sic uxor, sic mater eris. quid lumina tinguis,
  138. virgo ? crede mihi : quem nunc horrescis, amabis.”
  139. Dixit et aligera geminos arcuque manuque
  140. praestantes e plebe vocat. puer ilicet Aethon
  141. et Pyrois rutilas respersi murice plumas
  142. prosiliunt puroque imbutis melle sagittis
  143. hic nuptam petit, ille virum. sonuere reducta
  144. cornua ; certa notos pariter sulcavit harundo
  145. et pariter fixis haeserunt tela medullis.
v.2.p.216
  1. Fons, Antenoreae vitam qui porrigis urbi
  2. fataque vicinis noxia pellis aquis,
  3. cum tua vel mutis tribuant miracula vocem,
  4. cum tibi plebeius carmina dictet honos
  5. et sit nulla manus, cuius non pollice ductae
  6. testentur memores prospera vota notae :
  7. nonne reus Musis pariter Nymphisque tenebor,
  8. si tacitus soli praetereare mihi ?
  9. ludibrium quid enim fas est a vate relinqui
  10. hunc qui tot populis pervolat ora locum ?