Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Usque adeone tuae producitur impetus irae ?
  2. nullus erit finis lacrimis ? subitisque favorem
  3. permutas odiis ? quo mens ignara nocendi,
  4. quo sensus abiere pii ? tantumne licebit
  5. invidiae ? tantum strepitus valuere maligni ?
  6. Me dolor incautus, me lubrica duxerit aetas,
  7. me tumor impulerit, me devius egerit ardor :
  8. te tamen baud decuit paribus concurrere telis.
  9. humanae superos numquam tetigere querellae
  10. nec vaga securum penetrant convicia caelum.
    11. v.2.p.198
  11. excessit iam poena modum. concede iacenti.
  12. en adsum ; veniam confessus crimina posco.
  13. Manibus Hectoreis atrox ignovit Achilles,
  14. ultrices Furias matris placavit Orestes,
  15. reddidit Alcides Priamo, quas ceperat, arces.
  16. Pellaeum iuvenem regum flexere ruinae :
  17. Darium famulis manibus doluisse peremptum
  18. fertur et ingenti solatus fata sepulchro ;
  19. tradita captivo spatiosior India Poro.
  20. conditor hie patriae ; sic hostibus ille pepercit ;