Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. quae iam rabies livoris erit ?
  2. vel quis dabitur color invidiae ?
  3. Stilicho socer est, pater est Stilicho.
  1. Urbs in conspectu montana cacumina velat
  2. tranquillo praetenta mari. ducentia portum
  3. cornua pacatas removent Aquilonibus undas.
  4. hic exarmatum terris cingentibus aequor
  5. clauditur et placidam discit servare quietem.
    6. v.2.p.176
  1. Quidquid Castalio de gurgite Phoebus anhelat,
  2. quidquid fatidico mugit cortina recessu,
  3. carmina sunt ; sed verba negant communia Musae.
  4. carmina sola loquor : sic me meus implet Apollo.