Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Solitas galea fulgere comas,
  2. Stilicho, molli necte corona.
  3. cessent litui saevumque procul
  4. Martem felix taeda releget.
  5. tractus ab aula rursus in aulam
  6. redeat sanguis, patris officiis
  7. iunge potenti pignora dextra.
  8. gener Augusti pridem fueras,
  9. nunc rursus eris socer Augusti.
  10. quae iam rabies livoris erit ?
  11. vel quis dabitur color invidiae ?
  12. Stilicho socer est, pater est Stilicho.