Conlationes Patrum (Collationibus)

hic igitur abba Paulus in tantam cordis puritatem quiete solitudinis silentioque profecerat, ut non dicam uultum femineum, sed ne uestimenta quidem sexus illius conspectui suo pateretur offerri. nam cum eidem pergenti ad cuiusdam senioris cellam una cum abbate Archebio eiusdem solitudinis accola casu mulier obuiasset, offensus occursu eius tanta fuga ad suum rursus monasterium praetermisso quod adripuerat piae uisitationis officio recucurrit, quanta nullus a facie leonis uel inmanissimi draconis aufugeret, ita ut ne memorati quidem abbatis Archebii reuocantis eum clamore ac precibus flecteretur, ut ad requirendum senem quemadmodum proposuerant coepto itinere pertenderent.

quod licet zelo castitatis et puritatis ardore sit factum, tamen quia non secundum scientiam praesumptum est, sed obseruantia disciplinae iustaeque districtionis excessus est modus (non enim solam familiaritatem quae uere est noxia feminarum, sed ipsam quoque figuram sexus illius credidit exsecrandam), tali confestim correptione percussus est, ut eius uniuersum corpus paralyseos ualitudine solueretur nullumque in eo membrum penitus explere suum praeualeret officium, siquidem non solum pedes ac manus, sed etiam linguae motus quo elocutio uocis exprimitur [*]( 1 panefjBi VDW X panefisi 0 panifessi P ciuitate D\' non deletum in DX nos W* 2 quoties WX. 4 teniB] ceteris D1 anticos D 5 uicus V ac W ombis Wx 6 deserta D\' 8 proficerat VDX WPX1 femeneum Wl 11 arcebio DW 0 12 occursũ D1 occuraus W 14 recnrrit WP 15 haut fugiret V aafugerat W1 nec D1 16 arcebii D\' 18 itenere VDIX licet om. V 21 destrict. 0 23 crededit D\' execrandam YO correctione 0 24 corporalyseos D1 paralyseus W ualet. D\'0 26 praeoalere W\' 27 quae locutio D\'OP quo loc. D1 qua loco (a in ras. m. 2) W expremitur V ipsae quoque V )

eo autem redactus est, ut innrmitati eius nullo modo uirorum diligentia deseruire sufficeret, nisi sola ei muliebris sedulitas ministrasset. nam delato ad coenobium sacrarum uirginum cibus ac potus, quem ne nutu quidem petere poterat, femineo ingerebatur obsequio explendisque omnibus naturae necessitatibus eadem illi diligentia per annos ferme quattuor, id est usque ad uitae suae terminum seruiebat.